لغز الشغالة ونص دستة رجالة

سألنا عنك لسه مصمم تودي نفسك في داهية وتنكر ولا هتعترف علشان نساعدك وتحسن موقفك في القضية
يا بيه انا مشيت بدري في اليوم ده علشان اشتري شوية طلبات لأهلي في البلد كانوا موصيني عليها المرة اللي فاتت واخدت شنطة العدة معايا علشان لما بسيبها في المحل واسافر برجع الاقيها ناقصة وبيتسرق منها حاجات من اللي بشتغل بيها .
يعني مصمم علي الانكار يا مسعد ومش عاوزنا نساعدك
يا بيه هي دي الحقيقة .
للاسف يا مسعد كنت عاوز اساعدك والادلة كلها ضدك انا مضطر احولك علي النيابة واعتقد كده القضية ثبتت عليك .
تم تحويل مسعد للنيابة التي واصلت معه التحقيق وكانت كل الأدلة ضده ورغم انكار مسعد المستمر ارتكابه الچريمة الا انه لم يستطع اثبات كلامه فتم تحويل القضية الي المحكمة .
انتشر خبر ثبوت چريمة قتل مسعد لشمس في الحي وتعجب الجميع من قتل مسعد لها رغم حبه لها الذي كان يعلمه الكثيرين .
وعلم الجميع بحمل شمس قبل قټلها مما جعل كل المختلطين بها محل شبهة اخلاقية .
حتي ان اصحاب المنزل التي تعمل به نادية صديقتها المقربة قرروا طرد نادية من العمل لديهم .
وعندما حاولت نادية الدفاع عن نفسها اتهمها اصحاب المنزل بأن اخلاقها وسلوكها محل شبهة بسبب صداقتها لشمس .
خرجت نادية بعد ان جمعت كل ملابسها ومقتنياتها ودموعها تسيل علي وجهها من شدة ما تعاني .
صدمات مجتمعة من صديقتها التي قټلت وساءت سمعتها بعد مۏتها ولعڼة صداقتها لها والتي اصابتها وجعلتها تفقد مصدر عيشها وايضا حبيبها الذي ينتظر تنفيذ حكم الاعډام .
شعرت بأن الدنيا معتمة شديدة السواد امامها ولم تستطيع ايقاف دموعهاحتي وصلت الي باب العمارة حتي رأها عبده ابن همام البواب .
تعجب عبده من بكاء نادية فسألها عن السبب ….
بټعيطي ليه يا نادية مالك في حد مزعلك
اصحاب الشقة طردوني وانا خلاص ماشية ومش عارفة هعمل ايه .
اللي قطع رزقك من هنا هيوصل رزقك في حته تانية .
ونعم بالله بس انا يا عبده الدنيا كلها ضلمت في وشي مرة واحدة اطردت من شغلي و صحبتي ماټت حتي مسعد اللي بحبه هيتعدم .
ضحك عبده وقالها خلاص حبيني انا وخلاص .
ابتسمت نادية رغم دموعها وقالت انت لسه صغير يا عبده .
لأ انا مش صغير انا عندي ١٥ سنة .
بكره هتكبر وتلاقي عروسة زي الفل انما انا سبني في حالي مش عارفه اعمل ايه دلوقتي لو كانت شمس الله يرحمها عايشة يمكن كانت وقفت جنبي .
كلمي الدكتورة زينة اللي كانت بتشتغل عندها شمس يمكن تشغلك مكانها . دول من ساعة مۏت شمس مفيش ولا واحدة راضية تشتغل عندهم .
مش هينفع يا عبده .
كلميها بس انا عارف هي اكيد عاوزة حد يشتغل عندها مكان شمس اصلها مشغوله علطول ده حتي لما راحت مع جوزها وولادها المصيف رجعت بعدها بيومين بالليل وطلعت الشقة اخدت حاجات ونزلت سافرت تاني بالليل علطول .
رجعت بالليل !!
الحلق ٧ الأخيرة
رجعت بالليل !!
ايوه تقريبا كانت ناسية حاجات علشان علطول مشغولة رجعت اخدتها وسافرت تاني .
وكانت لوحدها يا عبده
لأ كان معاها دكتور عاصم .
وطلع ونزل معاها
ايوه يا نادية طلعوا مع بعض ونزلوا مع بعض ومشيوا مع بعض .
ومقولتش ليه يا عبده كل ده !! سايب المسكين في السجن بقاله ٥ شهور وخلاص قرب يتعدم .
اقول ايه انا مش فاهم حاجة .
انت تيجي معايا دلوقتي حالا .
هنروح قين
تعالي بس وكل الكلام اللي قولته ده تقوله للظابط . انت ربنا جعلك سبب ننقذ بيه مسعد .
اخدت نادية عبده وذهبت لقسم الشرطة و حكي عبده كل ما رأه للضابط .
رد الضابط منفعلا وساكتين كل ده !!! ده مسعد اتعدم النهارده .
صړخت نادية واجهشت بالكاء والعويل .
رفع الضابط رؤوف التليفون واتصل بالسجن ليستعلم عن تنفيذ حكم الاعډام في مسعد . ثم قال الحمد لله . اوقفوا تنفيذ الحكم حالا . في مستجدات في القضية .
ابتسمت نادية ثم ظلت تردد الحمد لله .
قال الضابط انتوا لازم تيجوا معايا حالا النيابة علشان تشهد يا عبده باللي انت شوفته وبعدين نكمل اجراءات وقف تنفيذ حكم الاعډام وفتح التحقيق في القضية مرة تانية .
وفي النيابة تم ايقاف تنفيذ الحكم و اعادة مسعد الي محبسه مؤقتا وفتح التحقيق في القضية من جديد واصدار ضبط واحضار للدكتور عاصم وزوجته زينة .
وفي قسم الشرطة وبعد مواجهة زينة بشهادة عبده ابن البواب عليها وعلي زوجها بدأت زينة في سرد ما حدث بالتفصيل …….
انا هتكلم واقول لحضرتك علي كل حاجة بالتفصيل …..
انا اتجوزت عاصم عن حب من ٢١ سنة ومن وقتها وهو عمره ما بص