عادت الي الحياة بقلم عادل عبد الله الجزء3 الاخير
: انت اكيد بتحلم لان عمرك ما هتسمع صوتي الا في الحلم .
ابهاب : ومش هسمع صوتك ليه الا في الحلم ؟؟ اي السبب ؟؟
: هتعرف بعدين .
ابهاب : اتتي مش سحر ، انتي روحها انا تعبت منك وخايف علي ولادي ، ابعدي عني وعن ولادي ارجوكي .
: مش ممكن ابعد ابدا ، ولادك هما ولادي انا بحبهم اوي ، بحبهم اكتر من نفسي .
ابهاب : ارجوكي ابعدي عني وعن ولادي ، ابعدي عننا و أوعي تيجي ولا في حلم ولا في حقيقة .
: بقولك انا بحبهم اكتر من نفسي ، عمري ما عرفت معني الحب الا لما حبيت ولادك .
ايهاب : لااا انا خايف عليهم ، خايف علي ولادي منك ، انتي اكيد هتأذيهم .
: متخافش يا حبيبي عمري ما هأذبهم ابدا انا بحبهم اكتر من نفسي ، ولادك هما الحياة بالنسبالي .
ايهاب : ليه ؟؟ انا عايز اعرف السبب ؟ وليه بتجيلنا في صورة سحر ؟؟؟
: لان انا وهيه واحد .
ايهاب : يبقي انتي فعلا روح سحر ؟؟
تضحك اوي بصوت عالي ثم تقول له : هجيلك تاني ، انا جيت علشان اطمنك لما شوفتك خايف علي ولادك مني .
ايهاب : ارجوكي بلاش ، ابعدي عننا .
تضحك بصوت عالي وتقول : هجيلك تاني ، سلام سلاااام يا حبيبي ، متخافش مني اطمن ، اصحي بقي علشان تروح شغلك سلاااام .
استيقظ ايهاب يملأ وجهه العرق وانفاسه سريعة ومتلاحقة !!!
نظر في الساعة وكانت السابعة الا خمس دقائق .
ايهاب بصوت عالي : اي ده ؟؟؟ دي رؤية ولا حلم ولا كابوس ؟؟؟ لو دي رؤية يبقي اكيد روح سحر عايشة معانا هنا !!! انا لازم اكلم شيخ تاني ييجي يشوف البيت النهاردة ويبعدها عننا .
ذهب ايهاب الي عمله وبمجرد أن رأي مروان قال له : مروان انا عايزك ضروري .
مروان : فيه اي ؟
ايهاب : ظهرت لي النهاردة في المنام .
مروان : مين ؟
ايهاب : روح سحر ظهرت لي في المنام وكلمتني وقالتلي انها مش هتبعد عننا .
مروان : لو كلامك جد وحقيقي تبقي عايز شيخ علشان يصرفها .
ايهاب : ايوه ما انا بكلمك علشان كده ، شوف لي حد ضروري يصرفها بس يكون حد تاني غير الشيخ محسن .
مروان : انا معرفش حد غيره لأني مكنتش بهتم بالمواضيع دي قبل كده ، لكن عموما هسأل واول ما الاقي حد كويس واثق فيه هقولك .
ايهاب : ياريت يا صحبي وفي اسرع وقت .
مروان : خلاص سيب الموضوع ده عليا ، وبالمناسبة انا اتفقت البارح بالليل مع فني تركيب كاميرات ييجي يركب كاميرا عندك النهاردة .
ابهاب : هي الكاميرات ممكن تصور الارواح او الجن ؟؟
مروان : معرفش ، لكن فيه فيديوهات بيقولوا ان ارواح وجن ظهروا فيها لكن الفيديوهات دي مش مؤكدة ، يعني ممكن تكون مزيفة ، لكن برضو لازم تركب الكاميرا في شقتك لان ممكن يكون اللي شوفته مش اكتر من حديث نفس وحلم بسبب تفكيرك في الموضوع .
ايهاب : وانا موافق برضو اركب الكاميرا ، وانت تشوف شيخ ثقة يشوف اذا كانت روح سحر في الببت ولا لأ ويصرفها من البيت .
