عادت الي الحياة بقلم عادل عبد الله الجزء3 الاخير
ومساء ذهب فني الكاميرات لمنزل ايهاب وقام بتركيب كاميرا مراقبة في الريسيبشن تكشف كل من يدخل الي الشقة من الداخل .
ظلت كلمات سحر التي رأها في المنام تتردد في ذهنه ويفكر هل حقا هي روح سحر التي ظهرت له في المنام ؟ وماذا تريد منه ومن اولاده ؟؟
ذهب ايهاب لينام ويتملكه شعور بالخوف .
مرت الليلة بسلام وحينما استيقظ صباحا راجع تصوير الكاميرا اثناء الليل لعلها تكون سجلت شيئا ما .
وبعد مراجعتها لم يري الا سكون تام اثناء نومهم ليلا .
ثم ذهب الي عمله وهو ينتظر ان تمر ساعات اليوم سريعا حتي يعود الي المنزل ويشاهد تسجيل الكاميرا ليعرف ما اذا كان دخل الي منزله شخصا ما او لا .
عاد ايهاب الي منزله وسأل أولاده : ماما جات يا حبايب بابا ؟
يوسف : أيوه يا بابا .
جري ايهاب سريعا وبدأ في مراجعة تسجيل الكاميرا حتي رأي باب الشقة يفتح وتدخل منه سحر !!!!!!!
هلل ايهاب وقال : الحمد لله اهي باينة في الكاميرا ، انا كنت فاكر نفسي اتجننت لكن الحمد لله طلعت حقيقة مش تهيؤات .
اتصل ايهاب سريعا بمروان وقال له : شوفت يا مروان علشان تصدقني .
مروان : اهدا طيب فيه اي ؟؟
ايهاب : سحر ظهرت في الكاميرا وهيه داخلة الشقة وانا في الشغل .
مروان : بجد يا ايهاب ؟؟ معقول ؟ انا مش مصدق !! انا كنت متاكد أنها تهيؤات وكنت خايف عليك .
ايهاب : والله فيديو التسجيل واضح اهو قدامي وسحر ظاهرة فيه .
مروان : لكن برضو كده مش متأكدين اذا كانت مراتك لسه عايشة ولا اللي ظهرت في الكاميرا روحها !!!
ايهاب : أنا مش مقتنع ان الارواح والجن ممكن تظهر في الكاميرات ، أنا متأكد أن سحر لسه عايشة .
مروان : ازاي يا ايهاب وانت شوفتها ماتت والدكتور قال ماتت وانت دفتها بأيديك ؟؟؟
ايهاب : معرفش ، اللي اعرفه حاجة واحدة بس ان سحر لسه عايشة واهلها عارفين ومخبينها عندهم فوق سطح البيت .
مروان : واي اللي يجبرهم يعملوا كده ؟؟
ايهاب : معرفش يا مروان لكن أنا لازم اعرف حالا .
مروان : هتعمل اي ؟؟
ايهاب : هروح بيت حمايا واطلع فوق سطح البيت وادخل الاوضة واواجهة سحر وأسألها عملت كل ده ليه .
مروان : طيب أهدي و بلاش تهور وتعالي نفكر بالعقل .
ايهاب : عقلي بيقولي حاجة واحدة بس اني لازم اروح هناك حالا .
أغلق ايهاب محادثته مع صديقه مروان وجري سريعا الي منزل أبو سحر .
صعد ايهاب سريعا لا يهتم ان كان سيشعر به احد ام لا .
حتي وصل اعلي سطح المنزل وظل يدق الباب بقوة وفوجئ بها تفتح الباب .
