تزوجت اخو حبيبي بقلم عادل عبد الله 3

الجزء الثالث

يصل يوسف إلى بيت العائلة القديم (حيث يعيش حازم وشروق في الشقة المجاورة).
​يوسف يصعد السلم، يقف أمام باب شقة أخيه حازم. يتردد لثوانٍ، ثم يضغط على الجرس بثبات…
​يفتح حازم الباب. تتوقف الحركة لثوانٍ. حازم يتفاجأ برؤية يوسف، تظهر على وجهه علامات الارتباك اللحظي قبل أن يستعيد قناعه البارد.
​حازم(بابتسامة صفراء): يوسف؟ حمد الله على السلامة.. أخيراً افتكرت إن ليك بيت و أهل؟ ده أنا كنت فاكرك مش هترجع!
​يوسف(بصوت هادئ كالهدوء الذي يسبق العاصفة): الله يسلمك يا حازم. كنت لازم أرجع عشان أبارك.. وأشوف أمانتي اللي اتسرقت.
​في هذه اللحظة، تخرج شروق من المطبخ على صوت الحديث.
تقف على بعد خطوات. تتقابل أعين يوسف وشروق. الزمن يتوقف. شروق تضع يدها على فمها لتمتع صرخة حبسها الدهر، ودموعها تنساب بغزارة. يوسف ينظر إليها بكسرة وحب مكتوم.
​شروق(بصوت خافت جداً): يوسف…
​حازم(يتدخل بسرعة، يقف بينهما ويحجب الرؤية، بنبرة تهديد): أهلاً بيك يا أخويا.. بس يا ريت تفهم إن الوضع أتغير وأن البيت ده له حرمة، والست دي بقت مدام حازم، يعني مرات أخوك يبقي لازم تحترم نفسك وتعرف حدودك!

المواجهة الثلاثية الكبرى
​(المكان: صالة شقة حازم)
​يجلس الثلاثة. يوسف على الأريكة، حازم يجلس بجوار شروق ويمسك يدها بضغط متعمد ليغيظ يوسف. شروق تحاول سحب يدها لكنه يمنعها!
​يوسف(ينظر إلى يد حازم المطبقة على يد شروق، ثم يرفع عينيه إلى حازم):
أنا ما جيتش أعمل مشاكل يا حازم.. أنا جيت آخد حقي، وأفهمك إن اللي بني على باطل فهو باطل.
​حازم(يضحك بسخرية): حق إيه يا شاطر؟ الجواز شرع ربنا، وعمك عبد الجواد جوزني شروق بشرع ربنا. أنت اللي أتأخرت، وأنا اللي فزت. والدنيا فايز ومهزوم. وشروق دلوقتي مراتي على سنة الله ورسوله!
​شروق(تصرخ فجأة وتنفض يد حازم عنها): بس بقى! كفاية كذب وتدليس! أنت أتجوزتني بالغصب! ضحك علي بابا بكلامك ووعودك، وبابا غصب عليا! أنت عمرك ما كنت راجل معايا، أنت كنت سجان!
​حازم(يقوم غاضباً ويصرخ في شروق):
اخرسي يا قذرة! عايزة تحطي راسي في الأرض قدام أخويا الصغير؟!
​يوسف(يقف بسرعة، يقف حائلاً بين حازم وشروق، ويمنعه): إياك تمد إيدك عليها تاني! لو لمستها هنسى صلة الد م اللي بينا! أنت مش راجل يا حازم.. أنت بنيت سعادتك المزيفة على خراب حياتي وحياتها وأن عارف ومتأكد أن أنا وهي بنحب بعض، وعايش في وهم إنك كسبت! غلطان يا حازم، أنت خسرت كل حاجة.. خسرت أخوك ونفسك ورجولتك!
​حازم(وهو يلهث من الغضب والحقد): أنا كسبت! أخدت البنت اللي كنت بتموت أنت عليها! أخدت الشقة! والدكانة! أنت طول عمرك واخد كل حاجة لنفسك، وكان لازم أعرفك حجمك الحقيقي!
​شروق(تقف بجانب يوسف، وتبصق على الأرض تحت قدمي حازم): أنت ما أخدتش غير الوهم بس يا حازم! عمرك ما ملكت قلبي ولا عقلي. أنا دلوقتي عايزاك تطلقني يا حازم، ويا تطلق بالذوق يا هرفع عليك قضية خلع واخلي شكلك وحش قدام المنطقة كلها.