الجميلة والذئب بقلم عادل عبد الله

دكتور سعد هو صاحب الصيدلية اللي انا بشتغل فيها وهو مقسم العمل بينه وبين ابنه شفتين .في الاول كان بيشتغل معايا في شفت الليل وابنه دكتور كمال كان في شفت النهار بس من ساعة ما نانسي اشتغلت في الصيدلية هو غير الشفت مع ابنه رغم ان زباينه كان اغلبهم بيروحوا الصيدلية بالليل .
الضابط: زباينه؟ قصدك زباين الصيدلية ؟
وائل : أنا بتكلم عن زباينه هو ، مش زباين الصيدلية .
الضاابط : وهل فيه فرق بين زباين دكتور سعد وزباين الصيدلية ؟؟
وائل:

دكتور سعد كان له زباين كانوا بيشتروا منه بعض الادوية الممنوعة ومش كانوا بيشتروا الا منه هو شخصيا ولما غير الشفت بقوا بيشتروا منه بالنهار.
الضابط؛ انت قلت ان دكتور سعد غير الشفت من الليل للصبح بعد ما نانسي اشتغلت في الصيدلية .هو كان معجب بيها ولا هو كانت عينه زايغة عموما ولا مجرد صدفة؟
وائل: دكتور سعد كانت عينه زايغة عموما وبالاخص علي نانسي .

وبعد خروج وائل من مكتب التحقيقات دخل دكتور كمال ابن القت.يل وكانت اقواله ……
الضابط: اسمك وسنك وعملك؟
انا اسمي كمال عندي ٢٦ سنة دكتور صيدلي بشتغل في صيدلية الدكتور سعد والدي .
الضابط: تعرف ايه عن الحادث ؟
كمال: معرفش اي حاجة غير اني كنت نايم بعد ما رجعت من الصيدلية وصحيت علي صراخ ماما لما عرفت الخبر .
الضابط: والدك كان له اعداء ؟ او تتهم حد بقت.له؟
كمال: مفيش حد ممكن اتهمه بق.تل بابا لانه مكانش له اعداء .
الضابط: والدك كان بيبيع ادوية ممنوعة ؟

كمال:لا دي اشاعات والدي كان صيدلي محترم وكل الناس تشهد بكده.
الضابط: يعني متعرفش حاجة عن بيع والدك للادوية المخد.رة ؟
كمال: لا يا فندم . وبعد خروج كمال من مكتب ضابط التحقيق دخل العديد من جيران دكتور سعد للادلاء باقوالهم التي اختلفت ما بين ما بين اتهام المجتي عليه بيع الادوية الممنوعة وبين علاقاته النسائية وبين انه دكتور صيدلي متميز مشهور بالكفاءة والتميز !!! ومن معاينة مكان الحادث وجث.ة القت.يل تبين انه تلقي عدة ط.عنات في القلب والرقبة اودت بحياته في الحال .كما تبين سرقة كل الاموال الموجودة من الصيدلية وتبين سرقة كميات من الادوية الممنوعة !!!

نانسي تجلس في منزلها غير مصدقة لما حدث وتجد جرس تليفونها يرن فتمسك التليفون فتجد وائل يتصل بها.
نانسي ترد علي تليفون وائل فتجد وائل بيختلق معها اي حوار ليتكلم معها (هي عارفة في نفسها ان وائل معجب بها من يوم ما بدات شغل في الصيدلية) ترد عليه بزهق وتقفل مع وائل الحوار بسرعة .
وائل بيكلم نفسه ( يعني بردو مش هعرف اوصلك حتي بعد ما غار في داهية).