تزوجت اخو حبيبي بقلم عادل عبد الله 1

تزوجت أخو حبيبي بقلم عادل عبد الله الجزء الأول " ألحقني يا يوسف أخوك حازم راح يخطبني وبابا وافق !! " كانت تلك الرسالة كافية ليسقط هاتفه من يده دون أن يشعر. سأله زملاؤه في الغربة ... مالك يا يوسف؟ ايه اللي حصل؟ مازال ينظر إلي هاتفه الملقي علي الأرض وكأنه لا يسمعهم، حاول يوسف أن يتماسك وعاد وألتقط الهاتف وأعاد قراءة الرسالة مرة اخري ... " ألحقني يا يوسف أخوك حازم راح يخطبني وبابا وافق !! أنا مش عارفة أعمل ايه؟ " أعاد قراءة تلك الكلمات عدة مرات، ثم أرسل إليها ... يوسف: أنت بتقولي ايه ؟ أنتي متأكدة من اللي بتقوليه ده ؟ شروق: أيوه متأكدة ، بابا كلمني امبارح بالليل وقالي أن حازم أخوك كلمه وطلب يخطبني وبابا موافق جدا وماما كمان . يوسف: وأنتي عملتي ايه؟ شروق: قلتلهم أني مش موافقة لكن هما مصممين. يوسف: معقول !! يعني حازم مش لاقي بنات غيرك علشان يخطب البنت الوحيدة اللي أخوه حبها!! ياسمين: مش عارفة هو عمل كده ليه؟ ده حتي عمره ما حسيت منه بأعجاب أو لمح أنه معجب بيا أو أي حاجة من دي !! يوسف: طيب خلاص يا شروق، أنا هكلم حازم وأفهمه كل حاجة وأكيد لما يعرف أننا بنحب بعض هيبعد ويلغي الفكرة دي من تفكيره. ياسمين: وأنا هعمل ايه؟ يوسف: أنتي لازم تعرفيهم عندك إنك رافضة الأرتباط دلوقتي ، وأنا هحاول أنزل أجازة في أقرب وقت وأكلم أبوكي. أنتهت المحادثة بينهما لم تنتهي بعد نيران الغضب التي تشتعل داخله. اتصل علي الفور بأخيه حازم ... يوسف: ألو.. أزيك يا حازم ؟ أخبارك ايه؟ حازم: تمام كويس، أنت عامل ايه في شغلك؟ يوسف: معقول رايح تخطب يا حازم من غير ما تقول لأخوك؟!! حازم: ايه ده؟ أنت عرفت أزاي؟!!! يوسف: عرفت من العروسة نفسها يا أخويا. حازم: من العروسة!! شروق هي اللي قالتلك؟! يوسف: أيوه. حازم: ليه؟ وأزاي؟ وتقولك حاجة زي دي ليه؟ أنا مش فاهم حاجة!!! يوسف: معقول متعرفش أن أنا وشروق بنحب بعض؟!! لحظات من الصمت قبل أن يسمع يوسف ضحكة حازم العالية التي سبقت كلمتة الأكثر صدمة حين قال : أنت كمان؟؟ كاد أن يفقد يوسف توازنه وحاول أن يستجمع قواه وسأله: يعني ايه " أنت كمان؟" ؟؟ حازم: يعني أنا وشروق بنحب بعض يا يوسف. يوسف: أنت أتجننت يا حازم؟ ايه اللي بتقوله ده؟!! أنا عارف ومتأكد إن شروق مبتحبش غيري. حازم: لا يا يوسف أنت أكيد فاهم غلط ممكن تكون كانت بتكلمك علشان تتقرب مني أنا. يوسف: لأ، شروق انا وهي بنحب بعض من زمان ومتفقين إني لما أرجع من السفر أتقدملها وأخطبها. حازم: معلش بقي يا جو اللي سبق اكل النبأ. يوسف" بصدمة": يعني ايه؟ حازم: يعني أنا اللي سبقت يا يوسف، هارد لك ملكش نصيب المرادي. يوسف: أنت أكيد بتهزر!! بقولك أنا وهي بنحب بعض ولازم تبعد أنت خالص. حازم: أنا أتكلمت خلاص مع أبوها وتقريباً وقرينا الفاتحة . يوسف: علشان خاطر أخوك يا حازم أرجع لأبو شروق وأعتذر له . حازم: معلش أنت بقي علشان خاطر أخوك أبعد أنت وسامحني ، ماهو مش معقول هتاخد أنت كل حاجة وأنا ماخدش حاجة خالص. يوسف" بدهشة": يعني ايه؟ مش فاهم!! حازم: يعني أنت أتربيت في حضن أبوك وأمك وأنا أتربيت معاكم بعيد عن أمي بعد ما أبوك طلقها، وأنت كملت تعليمك ودخلت الجامعة وأنا يادوب أخدت الدبلوم بالعافية، وأنت سافرت وبنشتغل بره وهترجع معاك فلوس اد كده وأنا شغال باليومية. يوسف: وأنا ذنبي ايه في ده كله؟! حازم: مش ذنبك حاجة، وأنا مش طالب منك إلا أنك تنسي شروق وتشوف شغلك ومستقبلك ولما ترجع شوفلك عروسة تانية. يوسف: حتي لو أنا نسيتها هي مش هتنساني. حازم: بيتهيألك يا يوسف، شروق زيها زي أي بنت كل اللي يهمها أنها تتجوز، واذا كانت هي فهمتك أنها بتحبك تبقي العبرة هي هتتجوز مين. يوسف: الظاهر أن كلام التليفون مش هيجيب معاك نتيجة، أنا راجع مصر علشان أوضع حد للمصيبة اللي انت عايز تعملها دي . تنتهي المكالمة بينما مازالت ضحكة حازم العالية وعبارته " أنت كمان " تتردد علي مسامع يوسف . يتسرب الشك إلي فؤاده فيمسك بهاتفه ويهم بارسال رسالة لها لكنه يتوقف. يعيد يوسف الاتصال بشروق ويسألها عن كلام حازم معه فتخبره أنه يكذب وأنها لم تتكلم مع حازم أبداً من قبل وأن كل ما قاله ليست سوي أكاذيب. في اليوم التالي يقف يوسف أمام المدير التنفيذي الذي تبدو عليه الصرامة والحزم ... يوسف: أرجوك يا فندم.. أنا محتاج إجازة طارئة أسبوع واحد بس. أرجع مصر أحل مشكلة شخصية خطيرة وأرجع فوراً. المدير: (يقلب في الملفات دون أن ينظر إليه) أستاذ يوسف، أنت مضيت عقد مع الشركة وفيه بند واضح: ممنوع أي إجازات في السنة الأولى من التعاقد تحت أي ظرف. المشروع اللي شغال فيه محتاجك شغلك ومجهودك ومينفعش يقف. يوسف: (بتوسل بنبرة منكسرة) يا فندم حياتي بتتدمر! مستقبلي وكرامتي ممكن يضيعوا لو ما نزلتش مصر الأسبوع ده! اعتبرها إجازة بدون مرتب، أو حتى خصم من مكافأة نهاية الخدمة. المدير: (ينظر إليه بحدة) لو نزلت مصر دلوقتي يا يوسف، هتخل بالعقد، وهتتحرَم من مكافأتك، والشركة هترفع عليك قضية تعويض وتاخد منك الشرط الجزائي واعتقد أنك مش هتقدر تدفعه. فكر بعقلك شوية. يوسف يخرج من المكتب وهو يشعر بقلة الحيلة والانسحاق الكامل، و الكاميرا تركز على وجهه المليء بالدموع المحبوسة. بعد أسابيع ... المكان: ( قاعة أفراح في القاهرة – بالتوازي مع شقة يوسف في الغربة) [الموسيقى الصاخبة في قاعة الأفراح تتداخل مع صوت صمت ثقيل في غرفة يوسف. في القاعة: شروق ترتدي الفستان الأبيض، وجهها شاحب كالميتة، عينان غائرتان بلا روح. حازم يقف بجوارها يبتسم ابتسامة النصر والتشفي، يمسك يدها بقوة بينما هي تسحب يدها ببطء وخوف! في الخليج: يوسف يجلس في ظلام غرفته، ممسكاً بصورة تجمع بينه وبين شروق، ينظر إليها والدموع تتساقط عليها. شروق (صوت داخلي): "لبسوني الأبيض زي الكفن.. قت/لوا حلمي الحلو اللي عشته معاك يا يوسف. بقيت محبوسة مع الراجل اللي بيكرهك وبيكرهني، بس مش هقدر أخليه يلمس روحي.. روحي هتفضل معاك هناك." يوسف (صوت داخلي ) : "كسرتني يا أخويا.. أخدت مني الضحكة والبيت والأمل. أنا بقيت مجرد ج/ثة ماشية علي رجلين في الغربة.. بس والله العظيم مش هسيب حقي أبداً." في غرفة العروسين تجلس شروق علي طرف السرير ودموعها تنهمر علي وجهها بغزارة، يبدأ حازم في فك رابطة عنقه وأزرار قميصه... يتبع الجزء الثاني