عادت الي الحياة بقلم عادل عبد الله الجزء1
يدخل إيهاب الي فراشه وبجواره ابناؤه لينام ويبدو عليه أنه مازال يفكر في تفسير لما رأه بعينه وحكاه أولاده له ، ثم يسألهم : أنتوا شفتوا ماما بجد النهاردة ؟
سيف : ايوه يا بابا .
يوسف : أيوه شوفنا ماما .
أيهاب : طيب لما جات عملت معاكم ايه وكانت لابسه ايه ؟
يوسف : ماما كانت لابسه هدوم بيضا وقعدت تلعب معانا وبعدين عملتلنا الأكل وقعدت اكلتني انا وسيف .
إيهاب : وماما أكلت معاكم ؟
يوسف : لأ
إيهاب : طيب يلا ناموا بقي ولو ماما جات بكره ابقي تقولولي عملت معاكم ايه لما ارجع ، تصبحوا علي خير .
اغمض إيهاب عينيه وبعد قليل فتح عينيه فوجد ابنه سيف مازال مفتح العينين فسأله : فاتح عينيك ليه يا سيوفه مش قولت غمضوا عينيكم علشان تناموا !!
سيف : عايز اشوف ماما لما تيجي .
إيهاب : هي قالت إنها هتجيلكم بالليل ؟
سيف : لأ هي كانت مش بتتكلم خالص كانت بتضحك وبس .
إيهاب : طيب يا حبيبي يلا نام بقي علشان بكره اجيبلك شيكولاته كبيرة .
اغلق ايهاب الانوار و اغمضوا جميعا أعينهم .
وبعد قليل…..
صوت خبط من ناحية المطبخ !!!!
يقوم إيهاب سريعا ويجري ويفتح باب الغرفة و يخرج الي المطبخ فيجد ملعقة ملقاة علي الارض !! يقف إيهاب مندهشا ثم يرفع الملعقة الي مكانها
و يعود الي الريسيبشن ثم يظل يبحث في كل أرجاء الشقة فلم يجد شيئا غير طبيعي غير ذلك !!
واثناء سيره يلمح بطرف عينه شيئا ما يمر سريعا ويختفي !!!
تبدو علي ملامح إيهاب علامات الحيرة والخوف !!!!
يظل واقفا في مكانه يتلفت ويراقب كل شيئ في المكان دون ان يلاحظ اي شئ أخر !!!
تزداد علامات الحيرة علي وجه إيهاب ويقف لدقائق ثم يدخل الي غرفة النوم !!! …
يرقد إيهاب علي فراشه بجوار ابناؤه ويبدو عليه الحيرة ثم يغمض عينيه
بعد قليل يشعر بباب الغرفة يفتح ببطئ شديد يظل مغمض العينين
يشعر إيهاب بأن شخصا ما دخل الي الغرفة واقترب حتي جلس علي السرير
يفتح إيهاب عينيه فيجد سحر جالسه علي السرير امامه مباشرة !!!
يعتدل إيهاب ويفتح عينتاه عن اخرهما يريد ان يقوم لينير إضاءة الغرفة فتمسكه سحر لتمنعه !!!!
يسألها إيهاب : انتي مين ؟ معقول انتي سحر ؟
تبتسم سحر في صمت ولا ترد عليه !!!
إيهاب : انتي رجعتي أزاي ؟ مش انتي … ؟
تنظر له سحر ايضا في صمت ولا ترد عليه !!!
إيهاب : انتي مبتتكلميش ليه ؟
سحر تشير له برأسها علي الأطفال
إيهاب : انتي وحشتيني اوي اوي يا سحر .
ثم يقترب منها ليمسكها فتمسك يده ثم تشير له بيدها للقيام .
يقوم إيهاب وتظل سحر ممسكه بيده وتسير وهو في يدها حتي يخرجا من الغرفة .
تسير سحر ممسكة بيد إيهاب حتي يجلسا علي كنبة الانترية .
إيهاب : يا حبيبتي مبتتكلميش ليه
تنظر سحر اليه وتبتسم .
إيهاب : انتي وحشتيني اوي ويضع يده علي شعرها ويقترب منها ويحت.ضنها ويقرب شفاهه منها……
وفجأة….. يرن صوت المنبه العالي فيفتح إيهاب عينيه ليجد ابناؤه نائمين بجواره !!!
ينظر في الهاتف ليجد الساعة ٧ صباحا
يعتدل ايهاب ليجلس و يقول : يا خسارة كان نفسي ميكونش حلم ، كان نفسي تكون حقيقة يا خسارة يا سحر كان نفسي بجد تكوني لسه عايشة .
