عادت الي الحياة بقلم عادل عبد الله الجزء1

يقوم إيهاب يجري ناحية باب الشقة ويفتحه بسرعة فلا يجد أحدا بالخارج
ثم فجأة تعود الأنوار !!!
ينظر إيهاب علي سلم المنزل فلا يجد اي أحد !!!
يقف إيهاب ويبدو عليه الدهشة ويقول : أنا متأكد أن حد فتح الباب وقفله تاني بسرعة !!!!
لكن مين ؟؟ مين اللي معاه مفتاح شقتي ؟؟ مستحيل تكون تهيؤات أنا متأكد ؟؟
يوسف : بابا أنت بتكلم نفسك ؟
يلتفت اليه إيهاب ثم يقول له : لأ يا حبيبي ده انا بفكر بصوت عالي .
يوسف : وهوه اللي بيفكر بيتكلم يا بابا ؟
إيهاب يبتسم : طيب يلا يا لمض علشان ندخل ننام .
سيف : أنا مش عايز أنام دلوقتي ، عايز ألعب .
إيهاب : لأ يا حبيبي لازم ندخل ننام علشان أصحي بدري واروح الشغل واجيبلكم حاجات حلوة كتير اوي .

يدخل إيهاب غرفة النوم ومعه اطفاله الي الفراش ويبدو لايهاب ان سيف ابنه لا يريد النوم .
إيهاب : شايف يا سيف يا حبيبي اخوك يوسف غمض عينيه ونام أزاي انا مبسوط منه وهجيبله شيكولاته وشيبس وحاجات كتير اوي بكره .
سيف : أنا كمان هغمض عيني اهو يا بابا .
إيهاب : شطوره يا حبيب بابا .
مر بعض الوقت وبدأ النعاس يتسرب الي عين إيهاب .
ولكن ابنه سيف مازال يحاول النوم ويفتح عينيه قليلا ثم يغمضها عدة مرات .
وفجأة يصرخ سيف : ماما مامااا
إيهاب ينتبه ويسأله : فيه ايه يا حبيبي ؟
سيف : ماما فتحت الباب وضحكت و مشيت .
يقوم إيهاب بسرعة و يخرج من الغرفة .
يجري إيهاب ويبحث في كل أنحاء الشقة ولكنه لا يراها !!!
يقف إيهاب ويبدو عليه الخوف !!!
يتجه إيهاب ناحية المكتبة الموجودة في الريسبشن ويخرج منها بعض الأوراق وقلم ويجلس ويبدأ بالكتابة !!
يوسف وسيف يقفوا بالقرب منه ويسأله يوسف : بتكتب اي يا بابا ؟
إيهاب : بكتب كل اللي بيحصل .
يوسف : ليه ؟
إيهاب : خد أخوك يا يوسف وروحوا ناموا وانا جاي وراكم علطول .
سيف : أنت شوفت ماما يا بابا ؟
إيهاب ” بعصبية ” : بقولكوا روحوا ناموا يلا .
يدخل سيف ويوسف الي حجرة النوم بينما يجلس إيهاب يدون في أوراقه .
بعد مرور بعض الوقت يضع إيهاب القلم والأوراق في المكتبة ثم يدخل الي غرفة النوم .
إيهاب ينظر الي ابناؤه فيجد يوسف نائما اما سيف الصغير مازال مستيقظ .
إيهاب : انت لسه صاحي ليه يا سيف ؟
سيف : علشان تيجي تنام جنبي .
إيهاب : طيب انا جيت اهو يلا نام بقي .
سيف : انا هستني ماما تيجي تحكيلي حدوتة قبل ماانام .
إيهاب : هي ماما بتحكيلك حدوتة قبل ما تنام ؟؟؟
سيف : ايوه يا بابا كل يوم .
إيهاب : حتي بعد ما سافرت ؟
سيف : ماما مش سافرت يا بابا ، ماما هنا .
إيهاب : طيب نام بقي انا من بكره مش هسيبكم هنا لوحدكم تاني .
سيف : ليه يا بابا ؟
إيهاب : علشان خايف عليكم يا حبيبي يكون فيه حاجة وحشة هنا في البيت .
سيف ” يضحك ” : وطي صوتك يا بابا .
إيهاب : ليه يا سيوفي يا حبيبي ؟
سيف : علشان ماما سمعاك .
إيهاب : هي ماما هنا دلوقتي ؟
سيف يضحك : أيوه .
إيهاب : فين ؟ انا دورت عليها مشوفتهاش .
سيف : هنا تحت السرير .
يقوم إيهاب سريعا وينظر تحت السرير بخوف !!!!
ولم يجدها !!!
إيهاب ” بصوت عالي ” : بتقول كده ليه ؟ مفيش حاجة تحت السرير .
سيف ” بخوف ” : أسف يا بابا مش هقول كده تاني .
إيهاب : قول الحقيقة انت شوفت ماما تحت السرير ولا لأ ؟
سيف ينظر لوالده بخوف وصمت !!!
إيهاب : طيب يلا نام غمض عينيك و نام .
سيف يغمض عينيه وإيهاب كل حواسه متيقظة تماما و لا يستطيع أن ينام !!
يظهر صوت خطوات بخارج الغرفة !!!!
تتسع أعين إيهاب وينتبه بصورة أكبر ويبدو عليه الخوف و التردد !!
صوت الخطوات تقترب حتي تقف خلف باب الغرفة مباشرة !!!
مازال إيهاب علي السرير ولكنه أعتدل جالسا .
يبدو علي ملامحه الخوف والتردد !!
يقوم سريعا ويفتح باب الغرفة فلا يجد اي أحد أمامه !!!
يسمع إيهاب صوت ضحكات ابنه يوسف !!! يلتفت اليه فيجده نائما تماما ويجد ابنه سيف ايضا نائما !!!!!
يكاد عقله ان يذهب مما يحدث !!
فجأة يسمع صوت زجاج النافذة يهتز بقوة !!!
ينظر إيهاب الي النافذة ويذهب اليها ويحكم اغلاقها بيده وفجأة يشعر بيد توضع علي كتفه !!!
يلتفت بسرعة فلا يجد أحد خلفه ولكنه يلاحظ ظل يجري ثم يختفي !!!
يمسك إيهاب بهاتفهه و يظهر اسم صديقه مروان علي شاشة الهاتف ولكنه ينظر في الساعة فيجد الساعة اقتربت من منتصف الليل .
يعود إيهاب ليضع هاتفهه مكانه ولا يتصل ، ثم يحاول ان يضئ مفتاح أنارة الغرفة ولكنه يجده لا يعمل !!!
يجري إيهاب الي الفراش وينام عليه سريعا ويأخذ ابناؤه في احضانه ويغطي رأسه لينام !!
يشعر إيهاب بأن أصابع تتسلل تحت الغطاء وتلاعب قدمه بلطف !!!
يحاول إيهاب تجاهل كل ذلك ويبدأ في قراءة بعض آيات القرآن الكريم حتي يسمع صوت المنبه يرن ليوقظة صباحا .
يفتح إيهاب عينيه و ينظر في الهاتف ليجد الساعة ٧ صباحا .
يتذكر إيهاب كل أحداث الليلة الماضية ولكنه لا يجزم ان كانت حقيقة او حلم !!
يكاد عقله ان يذهب : معقول اللي بيحصلنا ده ؟؟؟ انا خلاص بقيت مش عارف الحقيقة من الاحلام !!!