اماني سيد
عندي واحدة صاحبتي حصل بينها وبين جوزها خناقة كبيره وطلبت منى تيجى تقعد عندى أسبوع وقتها اتحرجت جداً خصوصاً انى عارفه إن مالهاش لحد وقولت لجوزى ومتوقعه إنه يرفض لكن صدمنى لما وافق المهم قولت أسبوع مش هيجرى حاجه لكن الاسبوع جر شهر وكلامها معايا انهار رفعت طلاق وخلاص جوزها وافق يطلقها وهيسيبلها البيت بعد الطلاق وهى هترجع تانى شقتها وقتها قولت مش هيجرى حاجه وخصوصا إن جوزى مش متضايق من وجودها وهى بتساعدنى فى الشغل البيت
وفعلاً اتطلقت وقالتلى مجرد ما طليقى يطلع من الشقه انا هرجع تانى شقتى وقالتلى بصى اعتبرينى شغاله هنا بلقمتى مش عايزاكى تعملى حاجه خالص فى البيت انا هعمل كل حاجه ده بدل اكلى وشربى والايجار وقتها اعترضت لكن هى اصرت على كده
جوزى بقى يلاحظ انى مش بعمل حاجه فى البيت وهى اللى بتعمل كل حاجه حتى الأكل بتتفنن فى عمايله وتنظيم السفره وواحده واحده نظام الشقه غيرته على زوقها وتقولى كده احسن وكده اوسع وأنا كنت بقول خلاص حتى طلبات جوزى كانت هى بتعملها بنفسها قهوته هدومه اللى تكويها ولما كلمتها وقولتلها خلى فى حدود فى حاجات انا بحب اعملها بنفسى لقيت جوزى بقى يتدخل هو ويدافع عنها
حسيت بقلق من وجودها وبقيت الح عليها انها تمشى وكل أما اكلمها تقولى اسبوع وهمشى وفى مره لقيتها لابسه حلق جديد وسلسله ولما سالتها قالتلى دول صينى وبعدين دورت فى اوضتها وهى بتجيب الطلبات لقيت فاتوره بيهم وقتها ذاد الشك جويا وقررت انى اراقبها لما تخرج من البيت وادور فى موبايلها عشان اقطع الشك باليقين وفعلاً عملتلها عصير وحطيتلها برشامتين منوم ومسكت موبايلها وفتحته ببصمه صباعها ودخلت على الشات ولقيت فعلاً كلام حب وغرام بينها وبين جوزى وهو بيقولها إن دى شقتك وانه صابر عليه عشان القايمه وكانوا بيدوروا على طريقه يطلقنى بيها من غير ما يدينى حقوقى
دخلت على الاستوديو والدم اتجمد في عروقي بجد من اللي شوفته.. لقيت ألبوم صور كامل ليها هي في شقتي، بس الصدمة الأكبر إنها متصورة بلبسي أنا! لقيتها لابسة قمصان نومي، وفساتيني المفضلة، وحتى برفيومي وميكابي حطاهم على وشها، وبتتصور في أوضة نومي وعلى سريري وبتتدلع قدام مرايتي في الأوقات اللي بكون فيها بره بجيب طلبات ولا عند أهلي! الغل واصلين لدرجة إنها مش بس بتسرق جوزي، دي كانت بتتقمص شخصيتي وعايشة حياتي في غيابي!
