عادت الي الحياة بقلم عادل عبد الله الجزء2
انتهت مكالمة ايهاب ومروان ولم تنتهي شكوك ايهاب بل ازدادت .
وبعدما استغرق كثيرا في التفكير ابتسم ايهاب وسأل ابناؤه : أحنا خلاص اتفقنا أننا هنقول الحقيقة ومش هنكدب ابدا ، صح ؟؟
يوسف : ايوه يا بابا .
سيف : ايوه .
أيهاب : تيتا بتيجي هنا وأنا مش موجود ؟
سيف : لأ .
ايهاب : أبدا أبدا ؟ ولا حتي بتتصل بالتليفون ؟؟
يوسف : لا يا بابا تيتا بتتصل بالتليفون بس .
ابهاب : وطنط ام رودي جارتنا بتيجي هنا وأنا في الشغل ؟
يوسف : لأ يا بابا .
ايهاب : يعني مفيش مرة طنط أم رودي جات وقالتلكم تلعبوا مع رودي بنتها وانتوا خوفتوا تقولولي ؟
يوسف : لا يا بابا ، طنط مش بتيجي هنا بس هيه ساعات بترن الجرس وبتقولنا نروح نلعب مع رودي .
ايهاب : وبتروحوا تلعبوا معها هناك ولا بتيجي تلعب معاكم هنا ؟
يوسف : لا هيه مش بتبجي هنا ، سيف اللي بيروح ساعات يلعب معها هناك وأنا بقعد هنا لوحدي .
قام ايهاب و خرج ودق جرس باب جارته ام رودي .
ايهاب : مساء الخير ، اسف اوي اني برن عليكي دلوقتي .
ام رودي : لا ابدا مفيش حاجة احنا جيران واهل .
ابهاب : ابو رودي موجود ؟
أم رودي : لا هوه في الشغل ومش بييجي الا بالليل متاخر .
أيهاب : بعد أذنك كنت عايز أسألك اذا كنتي لاحظتي أن فيه حد ببدخل الشقة عند الاولاد وانا في الشغل ولا لأ ؟
أم رودي : لأ ابدا مش لاحظت حاجة زي كده ، ده حتي بعد وفاة المرحومة كنت عايزاهم يلعبوا مع بنتي لكن قالولي انك مانعهم يفتحوا الباب لحد وبالعافية لما سيف ابنك وافق يلعب مع رودي هنا عندي .
ايهاب : طيب متشكر جدا واسف ع الازعاج .
ام رودي : فيه حاجة ضاعت من البيت عندك وشاكك يكون حد دخل سرقها ؟؟
ايهاب : لأ ابدا لكن الاولاد بيقولولي كلام غريب اوي .
أم رودي : كلام غريب زي اي ؟
ايهاب : بيقولولي ان مامتهم الله يرحمها بتيجي تقعد معاهم وانا في الشغل !!!
أم رودي : فعلا انا سمعتهم بيقولوا الكلام ده وشكيت أن فيه حد بيجي البيت وانت مش موجود وقعدت يومين أراقب البيت ومشوفتش اي حد غريب دخل البيت عندك .
ايهاب : انا هتجنن من التفكير في الموضوع ده ومش عارف اوصل لنتيجة .
ام رودي : متشغلش بالك بكلام الاطفال وانتبه انت لشغلك ومتخافش عليهم ، الاطفال في السن ده خيالهم واسع وممكن يحكوا حكايات كتير كلها ملهاش اي اساس الا خيالهم .
ايهاب : اتمني فعلا تكون تهيؤات مش حقيقة وعموما انا اسف اوي لازعاج حضرتك .
أم رودي : لأ ابدا مفيش ازعاج ولا حاجة ، أنت ليه مفكرتش تركب كاميرا مراقبة ؟
ايهاب : وهوه ينفع اركبها جوه البيت ؟؟
أم رودي : طبعا ينفع لكن بعد اذنك ركبها جوه شقتك بحيث مش تجرح حد من الجيران .
ايهاب : اكيد طبعا ، أنا مش عارف ازاي الغكرة دي مجتش في تفكيري !!!
ام رودي : أعتقد الفكرة دي هتساعدك كتير لأن انا كمان بصراحة قلقانة بس خوفت اكلم حضرتك عن كلام الاولاد اسببلك قلق عليهم .
ايهاب : انا متشكر جدا وبكره بأذن الله هكون ركبت كاميرا في الشقة .
