عادت الي الحياة بقلم عادل عبد الله الجزء2
دخل ابهاب شقتة بعدما شعر بنوع من الارتياح ثم اتصل بصديقه مروان ….
ايهاب : مساء الفل يا ميرو .
مروان : مساء الفل يا ايهاب ، ايه يا عم ما شاء الله باين عليك مبسوط والحمد لله ، خير وصلت لحاجة في موضوعك ؟
ابهاب : كلمت جارتنا هنا عن الموضوع واقترحت عليا اركب كاميرا جوه الشقة علشان اتأكد من كلام الولاد واشوف اذا كان فيه حد فعلا بيدخل الشقة وانا مش موجود .
مروان : صح فكرة ممتازة ، احنا ازاي الفكرة دي كانت غايبة عن تفكيرنا ؟!
ايهاب ” يضحك ” : المرأة يا سيدي ، أسأل عن المرأة .
مروان : لأ فعلا فكرة هايلة جدا .
ايهاب : طيب شوف لو تعرف اي حد بيركب كاميرات ييجي بكره يركب كاميرا هنا في الشقة .
مروان : متشلش هم بكره بأذن الله اكون اتفقت مع حد يخلصلك الموضوع ده .
جلس ايهاب يلعب مع ابناؤه بمنتهي السعادة ، ولأول مرة منذ موت زوجته تبدو علي وجهه السعادة فهو علي بعد خطوات من حل كل تلك الالغاز المحيطة به او علي الاقل سيتضح له بداية الخيط لحلها .
حان وقت النوم وذهب ايهاب مع ابناؤه ليناموا ، وبمجرد أن وضع رأسه علي وسادته غاص في نوم عميق ….
ايهاب يقف في منتصف غرفته يبدل ملابسه وينظر في المراه ليجدها واقفةخلفه تماما !!!!!
يلتفت ايهاب ليجد سحر تقف أمامه مباشرة وتبتسم !!!!
ينظر لها ولا يكاد يصدق عينيه !!!
معقووول !!! سحر !!!! أنتي لسه عايشة ؟؟
: انت شايف ايه ؟؟؟
ايهاب : شايفك لسه عايشة وواقفة قدامي اهو وبتتكلمي كمان .
: انت لسه بتحب سحر ؟؟
ايهاب : ايوه طبع… ، اي ده ؟! ماهو انتي سحر ياحبيبتي !!!
: انا هيه وفي نفس الوقت مش هيه ” وتضحك بصوت عالي ” .
ايهاب : يعني ايه ؟؟ انتي سحر ولا مش سحر ؟؟ ولا انتي مين ؟؟؟
: انا مراتك .
ايهاب : مراتي !!
: ايوه ، انا مراتك وهتتجوزني ومش ممكن هتتجوز غيري ابدا .
ايهاب : لسه هتجوزك ؟؟ ما احنا متجوزين فعلا يا حبيبتي !!!
: لأ لسه !! لسه هتتجوزني !!!
ايهاب ينظر في المراة فيجدها في المراة بصورتين من خلفه !!!
يعود وينظر لها ويقول : انتي مش سحر !!! انتي روحها ، صح ؟؟
: بقولك انا مراتك وهتتجوزني !!!
ايهاب : انا بحلم ولا دي حقيقة ؟؟؟…. يتبع الجزء 3
