غرام عشـ,ـق رحمة سيد الجزء الاول

كانت سيلين تقف في المطبخ تحادث والدتها على هاتفها بصوت منخفض خشية سماع اي شخص لها
هو أية اللي ازاي يا ماما !!! هقعد معاهم زي بقيت خلق الله
تقعدي معاهم زي الخدامة يا سيلين هي دي اخرتها تبقي خدامة في بيت جوزك لية اټجننتي !!!

مهو آآ هو سألني فجأة وانا خۏفت يعرف الحقيقة فمعرفش أية اللي خلاني أقوله كدة
تعالي يا سيلين امشي من غير مايعرف
كدة هيشك يا امي ارجوكي سبيني انا كلها يومين بس اطمن عليه وهرجع على طول
وازاي اصلا حمزة سابك تعملي الجنان دا
حمزة كان ناقص ابوس رجله عشان يوافق واخرة مازهق سابني وراح شاف صاحبه ومشي
لا لا مستحيل اسيبك انا بنتي تبقى خدامة على اخر الزمن !!

ياماما انا مش هبقى خدامة زي ما إنت متخيلة هو فهم إني كنت خدامة مش مازلت أنا اتفقت مع مسؤلة الخدم اني هشتغل معاهم على خفيف
وهي وافقت
محدش هنا يعرف إني مراته يا امي انت ناسية ان جوازنا كان سكيتي وقعدنا في شقة منعزلة !!

مش هتستحملي يا حبيبتي انا خاېفة عليك
اديني يومين اتنين وهتلاقيني نطيت لك تاني
يومين يا سيلين
اوعدك ومش هعمل اي حاجة انا هبقى بالاسم شغالة معاهم بس هبقى جمبه مش اكتر
اوووف من دماغك اما نشوف اخرتها وعشان تبقي عارفه انا هاجي زيارة وهشوف الوضع
ماشي يا حبيبتي يلا سلام إنت بقا عشان محدش يشك فيا
طب كلميني كل شوية
حاضر
سلام يا اخرة صبري
سلام يا ست الكل
أغلقت الهاتف ثم تنهدت أكثر من مرة وهي تتذكر أخر لقاء لها مع والد مهاب اليوم الذي اخبرها فيه ان مهاب

يعاني من ماضي مأسوي !!
ورجاها ألا تقسو هي الاخرى مساندة الزمن !
وتقريبا إقناعه لها
ما جعلها تحاول البدأ معه من جديد ليس أكثر !!!
ولكن الان وفي وجود منافس هي الاحق والاولى !!

خرجت من المطبخ تنظر يمينا ويسارا وكادت تسير ولكن فجأة اصطدمت بصدر صلب رفعت عيناها له لتقابل حشو عيناه السالب الإرادة
توقعت صراخه بها كعادته في الماضي ولكنه على عكس توقعاتها قال بهدوء
مش تاخدي بالك يا آآ
ثم سألها مستفسرا
إلا بالحق إنت أسمك أية
ابتلعت ريقها بتوتر ثم همست خافضة رأسها ارضا
س سيلين !
سيلين سيلين سيلين !
ترددت الكلمة بعقله أكثر من مرة ولا يدري لم شعر بصداها داخله !!!!
الأسئلة تكثر بين جحور حياته والوضع يزداد سوءا !!